களவாடப்பட்ட காஸாவின் வாரிசுகள் ! பல்லாயிரக்கணக்கான குழந்தைகளை கொன்ற இஸ்ரேல் !

இஸ்ரேல் காசா மீது மிகப்பெரிய இன அழிப்பு போரை நிகழ்ச்சியுள்ளதை அம்பலப்படுத்தி மக்கள் அதிகாரம் இணையதளத்தில் எண்ணற்ற கட்டுரைகளை பதிவேற்றியுள்ளோம். இஸ்ரேலும் அமெரிக்காவும் சேர்ந்து நிகழ்த்திய இனப்படுகொலையை உலகம் முழுவதும் பல்வேறு கண்டன குரல்கள் எழுந்தன. அமெரிக்க உள்ளிட்ட நாடுகளில் பல்கலைகழகங்களில் நடைப்பெற்ற போராட்டங்கள் அதிகார வர்க்கத்தை நடுங்கச் செய்தது. போர் நிறுத்தத்தை அறிவித்தும் இனப்ப்படுகொலையை பாசிச கொலைவெறிப்பிடித்த இஸ்ரேல் கைவிடுவதாயில்லை என்பதே சமீபத்திய செய்தி.

48,000 க்கும் மேற்பட்ட பாலஸ்தீன மக்கள் கொல்லப்பட்ட நிலையில் இதில் பாதிக்கும் மேற்பட்டோர் பெண்கள் மற்றும் குழந்தைகள். அதனாலேயே இது திட்டமிட்ட இன அழிப்புப் போர் என்கிறோம். குறிப்பாக கொல்லப்பட்ட குழந்தைகள் பல முதல் காலடி எடுத்து வைக்கப்படும் முன்னரே கொல்லப்பட்டுள்ளனர்.

இதுகுறித்த தகவல்களை சேகரித்து அல்சஜீரா இணையதளம் கட்டுரையாக வெளியிட்டுள்ளது. இந்த கட்டுரையின் முக்கியத்துவத்தை அறிந்து மொழியாக்கம் செய்து வெளியிட்டுள்ளோம்.

000

அக்டோபர் 7, 2023 முதல், காசாவை சேர்ந்த  17,400 குழந்தைகளை இஸ்ரேல் கொன்றுள்ளது. இதில் 15,600 குழந்தைகள்  அடையாளம் காணப்பட்டுள்ளனர். இன்னும் பல குழந்தைகள்  இடிபாடுகளுக்கு அடியில் புதையுண்டுள்ளனர், அதில் பெரும்பாலானவர்கள் இறந்துவிட்டதாகக் கருதப்படுகிறது.

காசாவில் இஸ்ரேல் ஒவ்வொரு 45 நிமிடங்களுக்கும் ஒரு குழந்தையைக் கொன்று வருகிறது.

கடந்த 535 நாட்களில் ஒவ்வொரு நாளும் சராசரியாக 30 குழந்தைகள் கொல்லப்படுகிறார்கள். உயிர் பிழைத்திருக்கும் எஞ்சிய குழந்தைகளும் போர், இஸ்ரேலின் நெருக்கடி போன்ற பல்வேறு பாதிப்புகளுக்கு ஆளாகி குழந்தைபருவ அறியாமை கலந்த மகிழ்ச்சியை கூட அனுபவிக்க முடியாத அளவிற்கு கடும் மன உளைச்சளுக்கு ஆளாகியுள்ளனர்.

ஏறத்தாழ 23 லட்சம் மக்கள் தொகை கொண்ட காஸாவில் பாதிக்கும் மேற்பட்டோர் குழந்தைகள் ஆவர்.  கடந்த 17 மாதங்களாக இஸ்ரேலிய தாக்குதல்களால் வீடு, பள்ளிகள் அழிக்கப்பட்டு மருத்துவ நிலையங்கள் நிரம்பிருக்கிறது.

இதனை ஒப்பீட்டளவில் புரிந்து கொள்ள 100 குழந்தைகள் கொண்ட ஒரு அறையை கற்பனை செய்து கொண்டால், அதில்

• 2 குழந்தைகள் கொல்லப்பட்டது.
• 2 குழந்தைகள் காணப்படவில்லை, இறந்ததாக கருதப்படுகிறது.
• 3 குழந்தைகள் படுகாயமடைந்துள்ளனர்.
• 5 குழந்தைகள் அநாதைகளாக்கப்பட்டுள்ளனர்/ பெற்றோரிடமிருந்து பிரிக்கப்பட்டுள்ளனர்.
• 5 குழந்தைகள் தீவிர சிகிச்சை தேவைபடுமளவிற்கு கடுமையான ஊட்டச்சத்து குறைபாட்டினால் பாதிக்கப்பட்டுள்ளனர்.

மீதமிருக்கும் குழந்தைகளும் போரினால் மனரீதியாக கடுமையாக பாதிக்கப்பட்டு தங்களது எதிர்காலம், பாதுகாப்பு கேள்விக்குறியாகி கடும் மன அழுத்த்தில் உள்ளனர்.

இஸ்ரேல் கொன்ற இந்தக் குழந்தைகள் யார்?

அவர்கள் காசாவின் குழந்தைகள், ஒவ்வொருவரும் அப்பாவித்தனத்தாலும் குழந்தைப் பருவத்தின் மகிழ்ச்சியாலும் நிறைந்திருக்க வேண்டிய வாழ்க்கையைக் பெற்றிருக்க வேண்டியவர்கள்.

ஆவணப்படுத்தப்பட்ட கொலைகளில்,

• குறைந்தது 825 குழந்தைகள், தங்கள் முதல் பிறந்தநாளைக் கொண்டாட இன்னும் போதுமான வயதை எட்டவில்லை.
• 895 ஒரு வயது குழந்தைகள், இவ்வுலகில் தங்கள் முதல் அடிகளை எடுத்து வைப்பதற்கு முன்பே கொல்லப்பட்டனர்.
• பால்ய வயதுக்கே உரிய முதல் விளையாட்டு, வளர்கையில் அறியப்படும் கண்டுபிடிப்பு மற்றும் அதிசயங்கள் இல்லாமல், இரண்டு முதல் ஐந்து வயது வரையிலான பாலர் குழந்தைகளாக இறந்தோர் 3,266 பேர்.
• ஆறு முதல் 10 வயது வரையிலான 4,032 குழந்தைகள் கொல்லப்பட்தால் வகுப்பறைகள் காலியாகியுள்ளன.
• 11 முதல் 14 வயது வரையிலான 3,646 பேர், மூன்று போர்களைக் கடந்து வாழ்ந்த நடுநிலைப் பள்ளி மாணவர்கள் (2012, 2014, 2021), ஆனால் நான்காவது போரில் கொல்லப்பட்டனர்.
• 15 முதல் 17 வயது வரையிலான 2,949 பேர், உலகிற்குள் அடியெடுத்து வைக்கத் தயாராகும் வயதில், சுதந்திரக் கனவுகளையும், ஒருபோதும் உணரப்படாத எதிர்காலத்தையும் விட்டுச் சென்றனர்; 17 வயது சிறுவர்கள் நான்கு போர்களை (2008-09, 2012, 2014, 2021) கடந்து வாழ்ந்தனர், மேலும் ஐந்தாவது போரில் கொல்லப்பட்டனர்.
• கொல்லப்பட்டவர்களில் 8,899 பேர் ஆண் மற்றும் 6,714 பேர் பெண் குழந்தைகள் ஆவர்.

மார்ச் 18 அன்று, இஸ்ரேலியப் படைகள் காசா பகுதி முழுவதும் ஒரே நேரத்தில் 100 இடங்களில் தாக்குதல்களை நடத்தி, ஹமாஸுடனான இரண்டு மாத கால போர் நிறுத்தத்தை முடிவுக்கு கொண்டு வந்தது.அடுத்த 36 மணி நேரத்தில், குறைந்தது 183 குழந்தைகள், 94 பெண்கள், 34 முதியவர்கள் மற்றும் 125 ஆண்கள் உட்பட 436 பேர் கொல்லப்பட்டனர்.

கொல்லப்பட்ட குழந்தைகளில் ஒரு வயது முகமது அபு ஹிலால், இஸ்ரேலால் “பாதுகாப்பான மண்டலம்” என்று அறிவிக்கப்பட்ட அல்-மவாசி முகாமில் இஸ்ரேலிய வான்வழித் தாக்குதலில் தனது ஏழு மாத கர்ப்பிணித் தாய் அப்னானுடன் இறந்தார். அவர்களைப் பாதுகாப்பாக வைத்திருக்கும் நம்பிக்கையில் அவரது தந்தை அலா  இஸ்ரேலின் அறிவிப்பை நம்பி அவர்களை அங்கு அனுப்பியிருந்தார்.

“ஓ, என் அன்பு மகனே, சொர்க்கத்திற்குச் செல்லுங்கள், அங்கே உங்கள் எல்லா பொம்மைகளையும் நீங்கள் காண்பீர்கள்,” என்று மனம் உடைந்த தந்தை தனது மகனின் உயிரற்ற உடலைப் பிடித்துக் கொண்டு அழுதார். இஸ்ரேலிய தாக்குதல்களால் கொல்லப்பட்ட 895 ஒரு வயது குழந்தைகளில் முகமதுவும் ஒருவர் – மற்றும் முகமது என்ற பெயர் கொண்ட 935 குழந்தைகளிலும் ஒருவர்.

2023 நவம்பரில் நுசைராத் அகதிகள் முகாமில் உள்ள அவர்களது வீட்டின் மீது இஸ்ரேல் நத்திய  வான்வழித் தாக்குதலில் ரீம் தனது ஐந்து வயது சகோதரர் தாரெக்குடன் கொல்லப்பட்டபோது அவளுக்கு மூன்று வயதுதான்.அவரது மரணத்தைத் தொடர்ந்து, அவரது தாத்தா கலீத் நபான், அவரது உயிரற்ற உடலைத் தொட்டிலிட்டு “என் ஆன்மாவின் ஆன்மா” என்று கதறிய வீடியோ பரவலாகப் பரவியது, இது காசாவின் மக்கள் அனுபவித்த பெரும் துன்பத்தைக் குறிக்கிறது.

காலித் தனது அன்புக்குரிய பேத்தியை மிகவும் நேசித்தார், மேலும் அவள் ஒவ்வொரு நாளும் அவரை எப்படி கட்டிப்பிடித்து வரவேற்பார் என்பதை சோகமாக நினைவு கூர்ந்தார். இந்நிகழ்விற்குபின் போரில் பாதிக்கப்பட்டு உதவி தேவைப்படுபவர்களுக்கு உதவுவதற்காக தனது நேரத்தை அர்ப்பணித்த காலித், டிசம்பர் 16, 2024 அன்று, இஸ்ரேலிய தாக்குதலால் கொல்லப்பட்டார்.

ஐந்து வயது ஹிந்த் ரஜப், குருகுருப்பான குறும்புகள் நிறைந்த ஒரு பிரகாசமான, கனிவான குழந்தை என்று அவரது குடும்பத்தினர் மற்றும் அண்டை வீட்டார் தெரிவித்தனர்.ஜனவரி 29, 2024 அன்று, ஹிந்த் தனது குடும்பத்தின் உடல்களால் நிரப்பப்பட்ட இரத்தம் தோய்ந்த காரில் உயிர் பிழைத்த ஒரே நபராகக் கண்டறியப்பட்டார்.

படிக்க:

♠  பாலஸ்தீனம்-காசா வுக்கு எதிரான இஸ்ரேலின் போர்: உலகிற்கு உணர்த்தும் உண்மைகள்!

♠  வடக்கு காசாவில் பஞ்சம்: இஸ்ரேல் யூத இனவெறியர்கள் உருவாக்கியது!

தல் அல்-ஹவா சுற்றுப்புறத்தில் இஸ்ரேலிய குண்டுவீச்சிலிருந்து தப்பிக்க முயன்றபோது, ​​அவர்கள் ஒரு இஸ்ரேலிய டாங்கியால் குறிவைக்கப்பட்டனர். ஹிந்த் தனியாக விடப்பட்டார், தனது இறுதி தருணங்களில், தொலைபேசியில் பாலஸ்தீன ரெட் கிரசண்ட் சொசைட்டியை (PRCS) அழைத்து உதவிக்காக மன்றாடினார், அவரது மரண ஓலம் உலகம் முழுவதும் எதிரொலித்தன.”எனக்கு மிகவும் பயமாக இருக்கிறது, தயவுசெய்து வாருங்கள். தயவுசெய்து என்னை அழைத்துச் செல்ல யாரையாவது அனுப்புங்கள்” என்று அவசர சேவைகளுடன் மூன்று மணி நேர உரையாடிய போதும் உதவ தன்னார்வலர்கள் முன்வந்த போதும் ரஜப்பை நெருங்கவிடாமல் இஸ்ரேல் தடுத்தது. 12 நாட்களுக்குப் பிறகு அவரது குடும்பத்தினர் மற்றும் அவரைக் காப்பாற்ற முயன்ற மருத்துவர்களுடன் அவரது உடல் கண்டுபிடிக்கப்பட்டது.

ஹிந்த் ரஜப் அறக்கட்டளை அவரது நினைவாக ஏற்படுத்தப்பட்டு காசா மீதான இஸ்ரேலின் போரால் பாதிக்கப்பட்ட மற்றவர்களுக்கும் நீதி கோருகிறது.

அக்டோபர் 19, 2023 அன்று, காசாவின் பழமையான தேவாலயமான செயிண்ட் போர்ஃபிரியஸை இஸ்ரேல் விமானம் மூலம் தாக்கியது, குறைந்தது 18 பேர் கொல்லப்பட்டனர்.கொல்லப்பட்டவர்களில் சகோதரர்கள், சுஹைல் ரமேஸ் அல்-சௌரி (14), ஜூலி ரமேஸ் அல்-சௌரி (12) மற்றும் மஜ்த் ரமேஸ் அல்-சௌரி (10) ஆகியோர் அடங்குவர். அவர்களின் மரணத்தால் மனம் உடைந்த தந்தை, தேவாலயத்திற்குள் தஞ்சம் புகுந்தபோது தனது குழந்தைகள் கொல்லப்பட்ட பேரழிவு தருணத்தை விவரித்தார். “இது எங்கள் பாதுகாப்பான புகலிடம் என்று நாங்கள் நினைத்தோம்,” என்று அவர் கண்ணீருடன் கூறினார், “கடவுளின் வீட்டில் எங்கள் கடைசி புகலிடம்.” “எச்சரிக்கை இல்லாமல் அவர்கள் என் தேவதூதர்கள் மீது குண்டு வீசினர். அவர்கள் எங்கள் குழந்தைகளை, உறவினர்களின் குழந்தைகளை, உறவினர்களைக் கொன்றனர்,” என்று துக்கத்தில் இருக்கும் தந்தை மேலும் கூறினார்.

மஹ்மூத் தனது தந்தையைப் போலவே ஒரு பத்திரிகையாளராக இருக்க விரும்பினார். தனது தாய்நாட்டின் கதைகளை உலகத்துடன் பகிர்ந்து கொள்ளத் தீர்மானித்த 15 வயது சிறுவன், “young Wael”, தனது சகோதரி குலூடுடன் சேர்ந்து, காசாவில் இஸ்ரேலின் அதிகரித்து வரும் வன்முறையின் விளைவுகளை ஆவணப்படுத்தும் வீடியோக்களைப் பதிவு செய்யத் தொடங்கினான். “காசாவில், பாதுகாப்பான இடம் எதுவும் இல்லை … இது காசாவில் நாங்கள் பார்த்த கடுமையான மற்றும் மிகவும் வன்முறையான போர். உயிருடன் இருக்க எங்களுக்கு உதவுங்கள்,” என்று இளம் தஹ்தூ இரட்டையர் மன்றாடினர்.

இஸ்ரேலிய இராணுவத்தால் பாதுகாப்பான பகுதி என்று அறிவிக்கப்பட்ட நுசீராட் முகாமில்  அக்டோபர் 25, 2023 அன்று இரவு, மஹ்மூத், அவரது தாயார், ஏழு வயது சகோதரி ஷாம், ஒன்றரை வயது மருமகன் ஆதாம் மற்றும் 21 பேர், தஞ்சம் தெடிக்கொண்டிருந்த போது இஸ்ரேலிய வான்வழித் தாக்குதலில் கொல்லப்பட்டனர்.

முகமது, ரீம், ஹிந்த், அல்-சௌரி உடன்பிறப்புகள் மற்றும் மஹ்மூத் போன்ற குழந்தைகளின் கதைகள் காசாவில் திருடப்பட்ட எண்ணற்ற குழந்தைப் பருவங்களைப் பிரதிபலிக்கின்றன, அவை அப்பாவித்தனத்தின் நினைவுகளையும், ஒருபோதும் உணரப்படாத எதிர்காலங்களையும் விட்டுச் செல்கின்றன.

நன்றி: அல்சஜீரா

தமிழாக்கம்: தாமோதரன்