அன்பார்ந்த வாசகர்களே!
ஒன்றிய அரசின் ஆட்சிப்பொறுப்பில் இருக்கும் பாரதிய ஜனதா கட்சியினர் தமிழகத்தில் கால்பதிக்கவும், வேரூன்றவும் தொடர்ந்து முயற்சிப்பதை நீங்கள் அனைவரும் அறிவீர்கள். மோடி அமித்ஷா தலைமையிலான காவி பாசிச கும்பல் தற்போது தமது நிகழ்ச்சிநிரலில் முருக பக்த அரிதாரம் பூசி மதரீதியில் தமிழக மக்களை பிளவுப்படுத்தி ஆதாயமடைய எத்தனிக்கிறது. அதற்காக திருப்பரங்குன்றத்தை, மதுரையை மையப்படுத்தி மாநாட்டையும் நடத்தியுள்ளது.
தமிழகத்தில் ஆட்சியில் இருக்கும் கட்சிகள் திராவிடத்தை தமது பெயரிலேயே கொண்டுள்ளன. குறிப்பாக தி.மு.க.வோ தமது அரசின் செயல்பாடுகளை திராவிட மாடல் என்றே முன்னிறுத்துகிறது. இது இந்துராஜ்ஜியம் அமைக்க துடிக்கும், அகண்ட பாரத்தை மீட்டெடுக்க நினைக்கும் சங்கிகளுக்கு சித்தாந்த ரீதியான தடைகளாக உள்ளன. குறிப்பாக பார்ப்பன எதிர்ப்பு மரபையும், பெரியார் பிறந்த மண் என்ற பெருமிதத்தையும் அவ்வளவு எளிதாக வீழ்த்த முடியாமல் தவிக்கின்றனர் காவி பாசிஸ்ட்டுகள்.
தமிழகமோ கார்ப்பரேட்டுகளின் விருப்பத்துக்குரியதாகவும் உள்ளது. எனவே ஒரே அடியாக காஷ்மீர், மணிப்பூர் போல ராணுவத்தை கொண்டு அடக்கி இம்மண்ணை சீரழிக்க காவிகளின் எஜமானர்கள் விரும்பமாட்டார்கள். உற்பத்தி நடத்த தேவையான அனைத்தையும் சங்கிகளால் தொட முடியாது. அதேநேரம் கலவரங்கள் இல்லாமல் காவிகளால் அழுத்தமாக கால்பதிக்கவும் முடியாது. எனவே தென்மாநிலத்தில் குறிப்பாக மதுரையை மையப்படுத்தி கலவர நெருப்பை பற்றவைக்க களமிறங்கி முதல்கட்டமாக மாநாட்டை நடத்தியுள்ளனர்.
இத்தகைய சூழலில் முருகனை மையப்படுத்தி களம்காணும் காவி பாசிஸ்ட்டுகளை மக்களிடமும், குறிப்பாக முருக பக்தர்களிடம் அம்பலப்படுத்த வேண்டிய கடமை நம்முன் நிற்கிறது. அதற்கு மக்கள் அதிகாரம் இணையதளத்திலும், புதிய ஜனநாயகம் தினசரி முகநூல் பக்கத்திலும் வந்த சில கட்டுரைகளை தொகுத்து சிறு வெளியீடாக கொண்டு வந்துள்ளோம். வாங்கி படித்து மக்களிடம் பரவலாக கொண்டு சென்று காவிகளுக்கு எதிராக களமாட வாழ்த்துக்கள்.
தோழமையுடன்
கீழைக்காற்று
விலை: ரூ.30
அலைபேசி எண் (G PAY) – +91 8925648977
நெய்வேலி என்எல்சி புத்தகக் கண்காட்சியில் கிடைக்கிறது.
